முன்னாள் தலைமை நீதிபதி யூசுஃப் சின் மறைவுக்கு அன்வார் இரங்கல்

இன்று காலை காலமான முன்னாள் தலைமை நீதிபதி துன் முகமட் யூசுஃப் சின் அவர்களின் குடும்பத்தாருக்கு பிரதமர் டத்தோ ஸ்ரீ அன்வார் இப்ராஹிம் இரங்கல் தெரிவித்துள்ளார்.

முகநூல் பதிவில், மறைந்த யூசுஃப் தமது பணிக்காலம் முழுவதும் நாட்டுக்கு, குறிப்பாக நீதித்துறை நிறுவனத்தை வலுப்படுத்துவதில், பெரும் சேவை ஆற்றியதாக அன்வார் கூறினார்.

"அவரது சேவையும் பங்களிப்பும் என்றும் நினைவுகூரப்படும்.

"அல்லாஹ் அவரது பாவங்களை மன்னித்து, தமது அருளைப் பொழிந்து, இறைநம்பிக்கை கொண்டு நற்செயல் புரிந்தோரின் வரிசையில் அவரது ஆன்மாவை இடம்பெறச் செய்வானாக," என்று அவர் கூறினார். (மலாய் மொழியிலிருந்து மொழிபெயர்க்கப்பட்டது.)

முகமட் யூசுஃப் அவர்களுக்கு மரியாதை செலுத்தும் வகையில், அல்-ஃபாத்திஹா ஓதி அன்வார் தமது பதிவை நிறைவு செய்தார்.

அவரது உடல் கோலாலம்பூர், கோத்தா டமான்சாரா பிரிவு 9 முஸ்லிம் மையவாடியில் நல்லடக்கம் செய்யப்பட்டது.

முகமட் யூசுஃப், 1994 செப்டம்பர் முதல் 2000 டிசம்பர் வரை மலேசியாவின் இரண்டாவது தலைமை நீதிபதியாகப் பணியாற்றினார். அவர் 91 வயதில் காலமானார்.

• பெர்னாமா