அத்திலியா ஹாரோன் செப்டம்பர் 19ல் ராபர்ட்ஸ் தியேட்டரில் தனி இசை நிகழ்ச்சி

கோலாலம்பூர் – பாடகியும் பாடலாசிரியருமான அத்திலியா ஹாரோன், 2026 செப்டம்பர் 19 அன்று இரவு 8 மணிக்கு அம்பாங் தி கேம்பஸில் உள்ள ராபர்ட்ஸ் தியேட்டரில் ATILIA HARON In Concert நிகழ்ச்சியை நடத்தவுள்ளார்.

90 நிமிடம் நீளும் இந்நிகழ்ச்சி, வளர்ச்சிப் பாதையில் இருக்கும் ஒரு கலைஞரின் நெருக்கமான உருவப் படமாக அமைக்கப்பட்டுள்ளது. அவரது வாழ்க்கையின் முக்கியத் தருணங்களை மீள்பார்வை செய்யும் அத்தியாயங்களாக இது விரிகிறது; பழைய பிரபல பாடல்களுக்கு புதிய உயிர் அளிக்கப்படுவதுடன், புதிய பாடல்களும் சிறப்பாக மறுவடிவமைக்கப்பட்ட இணைப்பாடல்களும் இடம்பெறும். 40க்கும் மேற்பட்ட பாடல்கள் கொண்ட தொகுப்பிலிருந்து பாடல்கள் தேர்வு செய்யப்பட்டுள்ளன.

அத்திலியாவின் வளர்ந்த கலை அடையாளத்தை முதன்முறையாக பெரிய அளவில் வெளிப்படுத்தும் நிகழ்ச்சி இதுவென ஏற்பாட்டாளர்கள் தெரிவித்தனர். "நான் இன்னும் வளர்ந்து கொண்டிருக்கிறேன்" எனும் உறுதிமொழியில் நிகழ்ச்சி நிறைவடைகிறது.

இந்தோனேசியாவின் புகழ்பெற்ற SORE Ze Band விருந்தினர் கலைஞர்களாக மட்டுமல்லாமல், நிகழ்ச்சியின் கலை நோக்கு, நேரடி இசையமைப்பு மற்றும் ஒலி திசையை வடிவமைக்கும் முக்கிய படைப்புப் பங்காளியாக இணைகிறது. மறைந்த Ade Paloh உடன் அத்திலியாவுக்கு இருந்த தனிப்பட்ட நெருக்கமும் பொதுவான கலை நோக்கமும் இந்த ஒத்துழைப்பின் அடித்தளம்.

இசை இயக்குநர் Fly Halizor நேரடி இசைக்கருவிகளை அடிப்படையாகக் கொண்டு ஒலியமைப்பை வடிவமைத்துள்ளார்.

நிகழ்ச்சியின் முக்கிய பங்காளிகளில் ஒன்றான Persatuan Karyawan Malaysia தலைவர் டத்தோ ஃபிரெட்டி பெர்னாண்டஸ் கூறினார்: "இந்த நிகழ்ச்சியுடன் இணைந்திருப்பதில் Karyawan மகிழ்ச்சி அடைகிறது. இசையிலும் வணிகத்திலும் அத்திலியாவின் பல சாதனைகளை நாங்கள் அங்கீகரிக்கிறோம். இசைத்துறையில் அவர் தனக்கான இடத்தை உருவாக்கியுள்ளார்." (மொழிபெயர்ப்பு)

அதிகாரப்பூர்வ வர்த்தக முத்திரை வழங்குநராக Power Root Berhad நிறுவனத்தின் பெண்கள் நலன் பானமான Per'l இணைந்துள்ளது.

நுழைவுச்சீட்டுகள் நான்கு பிரிவுகளில்: Prahara (RM248, மஞ்சள் – Meet & Greet அடங்கும்), Prahara (RM228, சிவப்பு), Indah (RM188, நீலம்), Sangkar (RM168, பச்சை). myticket.asia இணையதளத்தில் கிடைக்கும்.