EPL: மரெஸ்கா புதிய சிந்தனைகளுடன் வந்துள்ளார் – குவார்டியோல்

ஹாங்காங் – கடந்த சீசன் இறுதியில் பெப் குவார்டியோலா பதவி விலகியதைத் தொடர்ந்து, மான்செஸ்டர் சிட்டியின் புதிய பயிற்சியாளர் என்சோ மரெஸ்கா அணியின் மரபைத் தொடர்வதற்கான சரியான தேர்வு எனப் பாராட்டப்பட்டுள்ளார்.

அணியின் தற்காப்பாளர் யோஸ்கோ குவார்டியோல், இத்தாலியைச் சேர்ந்த அப்பயிற்சியாளர் தரமும் புதிய சிந்தனைகளும் கொண்டவர் என்றும், புதிய சீசனில் அணியை புதிய சகாப்தத்திற்கு அழைத்துச் செல்லக்கூடியவர் என்றும் தெரிவித்தார்.

"மரெஸ்காவிடம் தரம் உள்ளது, சில புதிய சிந்தனைகள் உள்ளன. அவர் பயன்படுத்தப்போகும் ஆட்ட முறை, கால்பந்து பாணி மற்றும் தந்திரோபாயங்களை நாம் பார்க்க வேண்டும்.

"தனிப்பட்ட முறையில், அவர் சரியான தேர்வு. ஆனால் அதற்கு நேரம் தேவை; ஏனெனில் ஒரு கழகம் பயிற்சியாளரை மாற்றுவது எளிதானதல்ல," என்றார்.

புதிய பயிற்சியாளருக்கு உதவுவதே வீரர்களின் கடமை எனவும் அவர் கூறினார்.

"எங்கள் பணி அவருக்கு முடிந்தவரை உதவுவது, அறிவுறுத்தல்களைக் கேட்பது, அவர் புகுத்தும் கால்பந்து தத்துவத்திற்கு ஏற்ப நம்மை மாற்றிக்கொள்வது," என்றார்.

இதே நம்பிக்கையை சிட்டி முன்களப் வீரர் அன்டோனி செமென்யோவும் பகிர்ந்துகொண்டார். குறிப்பாக இறக்கை வீரர்கள் தொடர்பான மரெஸ்காவின் அணுகுமுறை எதிர்பார்ப்பை ஏற்படுத்துவதாக அவர் கூறினார்.

"நாங்கள் எவ்வாறு விளையாட வேண்டும், இறக்கை வீரர்களின் நிலை, அணியின் ஒட்டுமொத்த ஆட்ட முறை குறித்து அவருடன் தனிப்பட்ட முறையில் பேசிய பின் எனக்கு உற்சாகம் அதிகரித்துள்ளது," என்றார். – ஏஜென்சி

மேற்கோள்கள் மலாய் மொழி அறிக்கையிலிருந்து மொழிபெயர்க்கப்பட்டவை.