கென்னி பீ மீண்டும் அரீனா ஆஃப் ஸ்டார்ஸ் மேடையில்

ஹாங்காங் பாடகர், நடிகர் மற்றும் இசைக்கலைஞர் கென்னி பீ (钟镇涛) தமது Live In The Moment World Tour Concert 2026 நிகழ்ச்சியுடன் அரீனா ஆஃப் ஸ்டார்ஸ் மேடைக்குத் திரும்புகிறார் என ரிசார்ட்ஸ் வேர்ல்ட் கென்டிங் அறிவித்துள்ளது. நிகழ்ச்சி 2026 செப்டம்பர் 19 மாலை 6 மணிக்கு நடைபெறும்.

காண்டோபாப் இசையின் நீண்டகால கலைஞர்களில் ஒருவரான அவரது பழம்பெரும் பாடல்கள், நினைவுகள் மற்றும் உணர்வுபூர்வமான நிகழ்ச்சிகளை ரசிகர்கள் எதிர்நோக்கலாம்.

புகழ்பெற்ற The Wynners (温拿乐队) இசைக்குழுவின் முதன்மைப் பாடகராக அறியப்படும் கென்னி பீ, 1973ஆம் ஆண்டு அறிமுகமானது முதல் ஐந்து பத்தாண்டுகளுக்கும் மேலான கலைப் பயணத்தைக் கொண்டுள்ளார். மாண்டரின், காண்டோனீஸ் மற்றும் ஆங்கிலத்தில் 40க்கும் மேற்பட்ட ஆல்பங்களை வெளியிட்டுள்ளார். "让一切随风", "要是有缘", "只要你过得比我好" மற்றும் "漫漫人生路" ஆகிய பாடல்கள் பெரும் வரவேற்பைப் பெற்றன. 1988 மற்றும் 2016ஆம் ஆண்டுகளில் இருமுறை ஹாங்காங்கின் கௌரவமிக்க கோல்டன் நீடில் விருதைப் பெற்றார்.

அவரது தனிப்பட்ட வாழ்க்கைத் தத்துவத்தை அடிப்படையாகக் கொண்ட இந்த நிகழ்ச்சி, அன்றாட பணிச்சுமையிலிருந்து விலகி இசையிலும் நினைவுகளிலும் ஒரு மாலையைக் கழிக்க பார்வையாளர்களை அழைக்கிறது.

"தற்போதைய தருணத்தில் வாழ்வது என்பது கட்டுப்பாடின்றி செலவு செய்வதல்ல. வாழ்க்கைப் பயணத்தில் எப்போது மெதுவாக நடக்க வேண்டும், ஓய்வெடுக்க வேண்டும், இசை கேட்க வேண்டும் என்பதை அறிவதுதான். கடந்த காலத்தை நினைவுகூர்ந்து, எதிர்காலத்தை எதிர்நோக்கி, ஒரு அழகான மாலையைப் பகிர்ந்துகொள்வோம்," என்று கென்னி பீ கூறினார். (மொழிபெயர்ப்பு)

நிகழ்ச்சியின் சிறப்பாக, "Fist of Fury 1991" (新精武门 1991) திரைப்படத்தில் அவர் ஏற்று நடித்த Smart (潇洒哥) கதாபாத்திரத்தை தோல் ஜாக்கெட் மற்றும் தொப்பியுடன் மீண்டும் மேடையில் உருவாக்கி "饿狼传说" பாடலைப் பாடுவார்.

அவரது மகள் Blythe Bee (钟懿) மேடையில் இணைந்து இணைப் பாடல்களையும் தனிப் பாடல்களையும் வழங்குவார். மறைந்த தமது தாயார் விரும்பிய பாடல்கள் மூலம் தந்தையும் மகளும் அளிக்கும் அஞ்சலி நிகழ்ச்சியின் நிறைவாக அமையும்.

நுழைவுச் சீட்டு விலைகள்: RM798 (VIP), RM658 (PS1), RM558 (PS2), RM458 (PS3), RM228 (PS4). ஒவ்வொரு சீட்டுக்கும் RM4 கட்டணம் உண்டு. முன்பதிவு விற்பனை ஜூலை 24 நண்பகல் 12 மணிக்குத் தொடங்கும்; VIP முதல் PS3 வரை 25 விழுக்காடு தள்ளுபடி உண்டு.

அதன் பிறகு Genting Rewards Card உறுப்பினர்கள் VIP முதல் PS3 வரை 10 விழுக்காடு தள்ளுபடி பெறலாம். விவரங்கள்: rwgenting.com.