வீட்டுத் தரைக்கு அடியில் 25 முட்டைகளுடன் நாகராஜப் பாம்பு

ஜகார்த்தா – இந்தோனேசியாவின் மத்திய ஜாவா மாகாணத்தில் உள்ள டெமாக்கில், தங்கள் வீட்டுத் தரைக்கு அடியில் நாகராஜப் பாம்பு (king cobra) ஒன்று 25 முட்டைகளை அடைகாத்துக் கொண்டிருந்ததைக் கண்டு கணவன்–மனைவி அதிர்ச்சியடைந்தனர் என Detik செய்தித் தளம் தெரிவித்தது.

டெமாக் தீயணைப்பு மற்றும் மீட்புத் துறைத் தலைவர் என்ட்ரா தோகா பெர்தானா கூறுகையில், உள்ளூர் நேரப்படி பிற்பகல் 12.35 மணியளவில் பாம்பு தென்பட்டதாகத் தகவல் கிடைத்ததும் குழு உடனடியாக சம்பவ இடத்திற்கு விரைந்ததாகச் சொன்னார்.

"சமையலறைக்கு அடியில் ஒரு பாம்பு இருப்பதாக மனைவி எங்களிடம் தெரிவித்தார். சோதனையின் போது ஒரு பொந்தைக் கண்டறிந்து, பாம்பை வெளியேற்ற பெட்ரோலை ஊற்றினோம்," என்றார்.

"மேலும் சோதனை செய்ததில் வீட்டுத் தரைக்கு அடியில் பாம்புக் கூடு இருப்பது தெரியவந்தது. பெட்ரோல் ஊற்றியதும் ஐந்து குட்டிப் பாம்புகள் பொந்திலிருந்து வெளியே வந்தன," என்று என்ட்ரா கூறினார்.

குட்டிகளைத் தவிர, அதே இடத்தில் 25 முட்டைகளும் ஒரு தாய்ப் பாம்பும் கண்டெடுக்கப்பட்டன.

உள்ளூர் நேரப்படி பிற்பகல் 2 மணியளவில் அகற்றும் பணி நிறைவடைந்தது. அனைத்து ஊர்வனவும் காரங்காவென் தீயணைப்பு நிலையத்திற்கு எடுத்துச் செல்லப்பட்டன. – ஏஜென்சி