சிகரெட் புகை தகராறு: மாணவரைத் தாக்கியதாக இசையமைப்பாளர் கைது

கோலாலம்பூர் – சிகரெட் புகை தொடர்பான தகராறைத் தொடர்ந்து மாணவர் ஒருவரைத் தாக்கியதாகக் கூறப்படும் குற்றச்சாட்டில் இசையமைப்பாளர் ஒருவர் கைது செய்யப்பட்டுள்ளார்.

செராஸ் மாவட்ட காவல்துறைத் தலைவர் ஐடில் போல்ஹாசான் கூறுகையில், பாதிக்கப்பட்டவர் 30களின் நடுப்பகுதியில் உள்ளவர் என்றும், தனியார் கல்வி நிறுவனத்தில் பயிலும் மாணவர் என்றும் தெரிவித்தார்.

அறிக்கை ஒன்றில், ஜூலை 26ஆம் தேதி அதிகாலை 1.51 மணிக்கு ரசாக் சிட்டி ரெசிடென்சஸ் குடியிருப்பில் காவல்துறை சோதனை நடத்தி, வெளிநாட்டவரான சந்தேக நபரைக் கைது செய்ததாக அவர் கூறினார்.

"தண்டனைச் சட்டத்தின் பிரிவு 323ன் கீழ் வேண்டுமென்றே காயம் விளைவித்தமைக்காகவும், பிரிவு 506ன் கீழ் குற்றவியல் மிரட்டலுக்காகவும் வழக்கு விசாரிக்கப்படுகிறது," என்றார்.

சந்தேக நபர் ஆகஸ்ட் 10ஆம் தேதி வரை விசாரணைக் காவலில் வைக்கப்பட்டுள்ளார்.