‘பிஎச்சுடன் எந்தப் பேச்சுவார்த்தையும் இல்லை’ – அஸ்னா

சிரம்பான் – பாக்காத்தான் ஹரப்பானை (பிஎச்) நெகிரி செம்பிலான் மாநில அரசாங்கத்தில் இணைக்க பேச்சுவார்த்தை நடந்ததாக எழுந்த கூற்றை லெங்கெங் சட்டமன்ற உறுப்பினர் டத்தோ முகம்மட் அஸ்னா அமின் மறுத்துள்ளார்.

நெகிரி செம்பிலான் சட்டமன்றத்தின் முன்னாள் துணைச் சபாநாயகருமான அவர், இதுவரை அத்தகைய எந்தப் பேச்சுவார்த்தையும் நடைபெறவில்லை என்றும், பரவும் வதந்திகள் வெறும் ஊகங்களே என்றும் வலியுறுத்தினார்.

"நான் தெளிவாகக் கூறுகிறேன், பிஎச்சுடன் எந்தப் பேச்சுவார்த்தையும் இல்லை. முற்றுப்புள்ளி," என்று அவர் இன்று ஒரு அறிக்கையில் தெரிவித்தார். (மலாய் மொழியிலிருந்து மொழிபெயர்க்கப்பட்டது.)

பிஎச் மாநில நிர்வாகத்தில் இணையவுள்ளது என்ற கூற்று சமூக ஊடகங்களில் பரவியதை அடுத்து, பாரிசான் நேசனல் (பிஎன்) மற்றும் பெரிக்காத்தான் நேசனல் (பிஎன்) ஆதரவாளர்களிடையே அதிருப்தி எழுந்தது.

புதிய மந்திரி பெசாருக்கு இடம் தரவேண்டும்

அரசியல் விவாதங்களை நிறுத்தி, மாநிலத்தை நிர்வகிக்கும் பொறுப்பையும் தேர்தல் அறிக்கையையும் நிறைவேற்ற புதிய மந்திரி பெசாருக்கு வாய்ப்பளிக்குமாறு முகம்மட் அஸ்னா அனைத்துத் தரப்பினரையும் வலியுறுத்தினார்.

அரசியல் சூழலைக் கலங்கடிக்கும் பிரச்சினைகளைத் தூண்டுவதைவிட, மாநில வளர்ச்சிக்கும் மக்கள் நலனுக்கும் தலைவர்கள் முன்னுரிமை அளிக்க வேண்டும் என்றார்.

தலையீட்டுக் குற்றச்சாட்டு மறுப்பு

மந்திரி பெசார் நியமனத்தில் வெளியாரின் தலையீடு இருந்ததாக டான் ஸ்ரீ ராயிஸ் யாத்திம் கூறியது ஆதாரமற்றது என அவர் தெரிவித்தார்.

அம்னோ தலைவர் டத்தோ ஸ்ரீ டாக்டர் அகமட் ஸாஹிட் ஹமிடி, நெகிரி செம்பிலான் அரச நிறுவனம் மற்றும் பாரம்பரிய விவகாரங்களில் ஒருபோதும் தலையிட்டதில்லை; சட்ட வழிமுறைகளுக்கு உட்பட்டே செயல்பட்டார் என்றார்.