கொரியா மாஸ்டர்ஸ் ஆடவர் இரட்டையர்: அரையிறுதி இடத்தை உறுதிசெய்த மலேசியா

கொரியாவின் ஆசானில் உள்ள யீ சுன்-சின் அரங்கில் நடைபெறும் கொரியா மாஸ்டர்ஸ் போட்டியில், இரு மலேசிய இணைகள் வெற்றி பெற்றதால் ஆடவர் இரட்டையர் பிரிவின் அரையிறுதியில் மலேசியாவுக்கு ஓர் இடம் உறுதியாகியுள்ளது.

உலகச் சுற்று சூப்பர் 300 சாம்பியன்ஷிப்பின் காலிறுதியில் இந்த இரு இணைகளுடன் மேலும் ஐந்து மலேசிய பிரதிநிதிகள் இணைந்துள்ளனர்.

மற்றவர்கள்: ஆடவர் இரட்டையர் இணை சோ வூய் யிக்-மான் வெய் சோங், ஆடவர் ஒற்றையர் வீரர் சியாம் ஜூன் வெய், கலப்பு இரட்டையர் இணைகள் செங் டாங் ஜீ-கிளாரிசா சான், ஜிம்மி வோங்-செங் சூ யின் மற்றும் லூ பிங் கூன்-நோரக்கிலா மைசாரா ராம்டான்.

கை வுன்-ராய் கிங் இணை இன்று சிறப்பாக ஆடி, கொரியாவின் ஜின் யோங்-லீ ஜோங் மின் இணையை 35 நிமிடங்களில் 21-15, 21-13 என வீழ்த்தி சொந்த மண் ரசிகர்களை அமைதியாக்கியது.

வூய் யிக்-வெய் சோங் இணை, தமது புதிய கூட்டணி பலனளிக்கத் தொடங்கியுள்ளதை நிரூபிக்கும் வகையில், சிங்கப்பூரின் ங்கே ஜூ ஜீ-டோனோவன் விலார்ட் வீ இணையை 27 நிமிடங்களில் 21-18, 21-14 என வென்றது.

நாளை நடைபெறும் காலிறுதியில் இந்திய இணை கிருஷ்ணா பிரசாத் கராகா-கிருஷ்ணமூர்த்தி ராய் அல்லது கொரிய இணை கிம் யோங் ஹியுக்-ஷின் டே யாங் ஆகியோரில் வெற்றி பெறுபவரை அவர்கள் எதிர்கொள்வர்.