பதவி விலக நுருல் இஸ்ஸா கோரிக்கை; தற்காலிக விடுமுறை வழங்கியது PKR

பெட்டாலிங் ஜெயா – மக்கள் நீதிக் கட்சியின் (PKR) மத்திய தலைமைக் குழு (MPP) இன்று அதன் துணைத் தலைவர் நுருல் இஸ்ஸா அன்வாருக்கு தற்காலிக விடுமுறை வழங்க முடிவு செய்தது.

PKR தகவல் தொடர்புத் தலைவர் டத்தோ ஸ்ரீ ஃபமி ஃபட்ஸில், அந்தப் பதவியிலிருந்து விலகுவதற்கு நுருல் இஸ்ஸா அளித்த விண்ணப்பம் விவாதிக்கப்பட்ட பின்னர் MPP கூட்டத்தில் இந்த முடிவு எடுக்கப்பட்டது என்றார்.

"துணைத் தலைவரின் பொறுப்புகளை துணைத் தலைவர் (வைஸ் பிரெசிடென்ட்) டத்தோ ஸ்ரீ சைபுத்தீன் நசுஸ்தியன் இஸ்மாயில் தற்காலிகமாக நிறைவேற்றுவார் என்றும் MPP முடிவு செய்தது," என்று அவர் இன்று இங்கு வெளியிட்ட அறிக்கையில் கூறினார்.

PKR தேர்தல் இயக்குநர் பதவியை துணைத் தலைவர் டத்தோ ஸ்ரீ அமிருடின் ஷாரி முழுமையாக ஏற்பதற்கும் MPP ஒப்புக்கொண்டது என்று அவர் கூறினார்.

2026 தேசிய மாநாடு தொடர்பாக, ஆகஸ்ட் 14ஆம் தேதி PKR மகளிர் மற்றும் இளையோர் அணி மாநாடுகளை நுருல் இஸ்ஸா தொடங்கி வைப்பார் என எதிர்பார்க்கப்படுகிறது.

ஜூலை 12 முதல் இந்த மாதம் வரை இணையவழியில் பதிவு செய்த 3,533 புதிய உறுப்பினர்களையும் MPP அனுமதித்தது.

அதே வேளையில், சமீபத்திய ஜோகூர் மற்றும் நெகிரி செம்பிலான் மாநிலத் தேர்தல் முடிவுகளை MPP ஏற்று மரியாதை செய்கிறது என்று ஃபமி தெரிவித்தார்.

"இரு மாநிலத் தேர்தல்களிலும் கடுமையாக உழைத்த குழுவினருக்கு கட்சி நன்றி தெரிவிக்கிறது. மேலும், இரு பதவிக்காலங்களில் சிறந்த சேவை ஆற்றிய நெகிரி செம்பிலான் முன்னாள் மந்திரி பெசார் டத்தோ ஸ்ரீ அமினுடின் ஹாருனுக்கும் பாராட்டு தெரிவிக்கப்படுகிறது," என்றார்.