மெக்சிகோவில் நேரலை ஒளிபரப்பின் போது சமூக ஊடக ஆளுமை சுட்டுக் கொலை

மெக்சிகோ நகர் – மெக்சிகோவின் குலியாகான் (Culiacan) மாநிலத்தில் ஓர் உணவகத்திற்கு வெளியே நண்பர்களுடன் நேரலை ஒளிபரப்பு செய்துகொண்டிருந்த சமூக ஊடக ஆளுமை ஒருவர் சுட்டுக் கொல்லப்பட்டார் என்று Metro UK நாளிதழ் தெரிவித்தது.

சீசர் கஸ்டெலம் என அடையாளம் காணப்பட்ட பலி, கடந்த திங்கட்கிழமை உள்ளூர் நேரப்படி இரவு 8.14 மணியளவில் சுடப்பட்டார். இந்தச் சம்பவத்தை அவரது பின்தொடர்பாளர்கள் சமூக ஊடகத்தில் நேரலையில் கண்டனர்.

தலைக்கவசம் அணிந்த இரு ஆடவர்கள் வெள்ளை, சிவப்பு மற்றும் கறுப்பு நிற மோட்டார்சைக்கிளில் அந்த உணவகத்தின் ‘டிரைவ்-த்ரூ’ பாதைக்கு வந்ததை காட்சிகள் காட்டுகின்றன.

தாக்கியவர்களில் ஒருவர் கஸ்டெலமை நெருங்கி, கைத்துப்பாக்கியால் அவரது தலையில் சுட்டதும், பின்னர் இருவரும் தப்பிச் சென்றதும் காட்சியில் பதிவாகியுள்ளது.

நேரலையைப் பதிவு செய்ய உதவிய இரு நண்பர்களுக்கு எந்தக் காயமும் ஏற்படவில்லை; எனினும் சம்பவத்தால் அவர்கள் மனஉளைச்சலுக்கு ஆளானதாகத் தெரிவிக்கப்பட்டது.

பின்னர் வந்த மருத்துவக் குழு, பலி சம்பவ இடத்திலேயே உயிரிழந்ததை உறுதிப்படுத்தியது.

கஸ்டெலம் மெக்சிகோவில் பிரபலமான சமூக ஊடக உள்ளடக்கப் படைப்பாளியாக இருந்தார்; TikTok தளத்தில் அவருக்கு 600,000-க்கும் மேற்பட்ட பின்தொடர்பாளர்கள் இருந்தனர். – ஏஜென்சி