துபாயின் பிரபல ரோபோ Bu Sunaidah, ரோபோ Moza-வுடன் 'திருமணம்'

துபாய் – துபாயின் மிகவும் பிரபலமான ரோபோவான Bu Sunaidah, Moza என்ற மற்றொரு ரோபோவுடன் 'திருமணம்' செய்துகொண்ட நிகழ்வு சமூக ஊடகங்களில் வைரலாகி கவனத்தை ஈர்த்துள்ளது என்று வளைகுடா செய்தி நிறுவனமான Gulf News தெரிவித்துள்ளது.

இந்நிகழ்வில் 'மணமகள்' ஆக இருந்த Unitree G1 மாதிரி ரோபோ, தங்க இழையால் அலங்கரிக்கப்பட்ட கருப்பு அபாயா அணிந்திருந்தது.

சமூக ஊடகப் பதிவில், Bu Sunaidah ரோபோ நன்றியுணர்வை வெளிப்படுத்தியதுடன், நிகழ்வுக்கு 'சிறப்பு சேர்த்த' நண்பர்கள் மற்றும் குடும்பத்தினருக்கு நன்றி தெரிவிக்கும் செய்தியையும் பதிவிட்டது.

இந்நிகழ்வு வெறும் டிஜிட்டல் உள்ளடக்க தந்திரமே என்றும், சட்டரீதியாகவோ மதரீதியாகவோ எந்த அங்கீகாரமும் இல்லை என்றும் கூறப்படுகிறது. எனினும், இந்த சந்தைப்படுத்தல் உத்தி வெற்றி கண்டுள்ளது.

மூன்று நாட்களுக்குள் அந்தப் பதிவு 41,000-க்கும் மேற்பட்ட 'லைக்'குகளையும், 2,300 கருத்துகளையும் பெற்றதுடன், 109,000 முறை பகிரப்பட்டது.

இப்பதிவுகள் சர்வதேச வலைப்பயனர்களிடையே பல்வேறு எதிர்வினைகளைத் தூண்டின. பெரும்பாலானோர் இதை மகிழ்ச்சியுடன் வரவேற்றனர்; சிலர் இது அளவுக்கு மீறிய தந்திரம் என விமர்சித்தனர். – ஏஜென்சி