சோ-யங் நிறுவனத்தின் தலைமை நிதி அதிகாரியாக நான் ஷென் நியமனம்

பெய்ஜிங் – சீனாவின் முன்னணி அழகு சிகிச்சைத் தளமான சோ-யங் இன்டர்நேஷனல் இன்க். (நாஸ்டாக்: SY), தனது இயக்குநர் குழு நான் ஷென் அவர்களை நிறுவனத்தின் தலைமை நிதி அதிகாரியாக (CFO) நியமித்துள்ளதாக அறிவித்துள்ளது. இந்த நியமனம் 2026 ஆகஸ்ட் 3 முதல் அமலுக்கு வருகிறது.

புதிய பொறுப்பில், ஷென் நிறுவனத்தின் நிதி, மனிதவளம், சட்டம் மற்றும் இணக்கப் பணிகளை மேற்பார்வையிடுவார்.

ஷென் 2023 அக்டோபர் முதல் சுயேச்சை இயக்குநராக நிறுவனத்தின் இயக்குநர் குழுவில் பணியாற்றி வந்தார். CFO நியமனத்தையடுத்து, அவர் தணிக்கைக் குழு, ஊதியக் குழு மற்றும் பரிந்துரை ஹ மேலாண்மைக் குழு பொறுப்புகளிலிருந்து விலகியுள்ளார்; எனினும் நிறுவன இயக்குநராகத் தொடர்வார்.

"நான் ஷென் அவர்களை எமது தலைமை நிதி அதிகாரியாக வரவேற்பதில் மகிழ்ச்சி அடைகிறோம். 2023-இல் சுயேச்சை இயக்குநராக இணைந்த அவர், எமது வணிகம், செயல்பாடுகள் மற்றும் மூலோபாய முன்னுரிமைகள் குறித்த ஆழமான புரிதலுடன், விரிவான நிதித் தலைமைப் பட்டறிவையும் கொண்டுவருகிறார்," என்று சோ-யங் இணை நிறுவனரும் தலைமை நிர்வாக அதிகாரியுமான ஷிங் ஜின் மொழிபெயர்க்கப்பட்ட அறிக்கையில் தெரிவித்தார்.

அளவு மற்றும் திறன் என்ற இரட்டை-இயந்திர மூலோபாயத்தை முன்னெடுக்கும் வேளையில் இது மிகுந்த பயனளிக்கும் என்றும், நிறுவனத்தின் நிதி மற்றும் செயல்பாட்டுத் திறன்களை ஷென் மேலும் வலுப்படுத்துவார் என நம்புவதாகவும் அவர் கூறினார்.

பணி அனுபவம்

ஷென் 2018 டிசம்பர் முதல் 2026 மே வரை காவ்டு டெக்எடு இன்க். (NYSE: GOTU) நிறுவனத்தின் CFO ஆகவும், 2023 அக்டோபர் முதல் 2026 மே வரை அதே நிறுவனத்தின் மூத்த துணைத் தலைவராகவும் பணியாற்றினார்.

அதற்கு முன், 2017 நவம்பர் முதல் 2018 நவம்பர் வரை சைனா சினோஎடு நிறுவனத்தின் CFO ஆக இருந்தார். 2012 பிப்ரவரி முதல் 2017 நவம்பர் வரை பிரைஸ்வாட்டர்ஹவுஸ்கூப்பர்ஸில் பல்வேறு பொறுப்புகளை வகித்தார்; இறுதியாக அஷ்யூரன்ஸ் மேலாளராகப் பணியாற்றினார்.

அவர் டோங்பெய் நிதி மற்றும் பொருளியல் பல்கலைக்கழகத்தில் 2006 மற்றும் 2009-இல் இளநிலை, முதுநிலை பட்டங்களையும், 2025 ஜூனில் சிங்குவா பல்கலைக்கழகத்தில் EMBA பட்டத்தையும் பெற்றார். அவர் சீனாவின் சான்றளிக்கப்பட்ட பொது கணக்காளர் ஆவார்.