கொரியா மாஸ்டர்ஸ்: இரண்டாம் சுற்றுக்கு முன்னேறிய டாங் ஜி-கிளாரிசா

பெட்டாலிங் ஜெயா: தென் கொரியாவின் அன்சானில் இன்று நடைபெற்ற கொரியா மாஸ்டர்ஸ் இறகுப்பந்து போட்டியில், சென் டாங் ஜி-கிளாரிசா சான் தலைமையில் மூன்று மலேசிய கலப்பு இரட்டையர் ஜோடிகள் இரண்டாம் சுற்றுக்கு முன்னேறின.

தற்போது உலகத் தரவரிசையில் 137வது இடத்தில் உள்ள இந்த ஜோடி, 32 சுற்றில் சக நாட்டு ஜோடி லோ ஹான் சென்-சான் வென் ட்ஸேவை 21-19, 21-18 என்ற கணக்கில் 35 நிமிடங்களில் வீழ்த்தியது.

நாளை நடைபெறும் இரண்டாம் சுற்றில், உலகின் 45வது நிலை ஜோடியான வூ ஸ்வான் யி-யாங் சு யுன்னை டாங் ஜி-கிளாரிசா எதிர்கொள்கின்றனர். அந்தத் தைவான் ஜோடி, மலேசியா-அமெரிக்கா கூட்டு ஜோடியான லிம் மிங் ஹோங்-ஸ்டெல்லா பானை 21-10, 21-5 என 19 நிமிடங்களில் வெளியேற்றியது.

16 சுற்றுக்கு முன்னேறிய மற்றொரு இளம் மலேசிய ஜோடி லூ பிங் குன்-நோர்அகிலா மைசாரா ரம்டான், இந்திய ஜோடி துருவ் ராவத்-மனீஷா கேவை 18-21, 21-14, 21-17 என 49 நிமிடங்களில் வென்றது.

உலகின் 112வது நிலையில் உள்ள இந்த ஜோடி, அடுத்த சுற்றில் ஆஸ்திரேலிய ஜோடி அண்டிகா ரமாடியான்ஷா-நோசோமி ஷிமிசுவை எதிர்கொள்ளும்.

இன்னொரு இளம் ஜோடியான ஜிம்மி வோங்-செங் சூ யின், ஜப்பானின் கென்டா மாட்சுகாவா-சுமிரே நகாடேவை 14-21, 21-15, 21-10 என 42 நிமிடங்களில் வீழ்த்தியது.

உலகின் 72வது நிலை ஜோடி, சூப்பர் 300 தரமுள்ள இந்தப் போட்டியில் அரையிறுதிக்கு முந்தைய காலிறுதி இடத்திற்காக உள்ளூர் ஜோடி கிம் ஜூன் யங்-லீ யூ லிம்மை எதிர்கொள்ளும்.

எனினும், மலேசியாவின் வீ யீ ஹெர்ன்-வானீ கோபி ஜோடி, உள்ளூர் ஜோடி கிம் ஜே ஹியோன்-ஜாங் ஹா ஜியோங்கிடம் 12-21, 20-22 என 34 நிமிடங்களில் தோற்று வெளியேறியது.