தென்கிழக்காசியத் தகுதிச் சுற்றில் Team Vertice வெற்றி; ஜெர்மனிக்குப் பயணம்

கோலாலம்பூர் – மலேசியாவின் Team Vertice அணி, சாம்சங் #PlayGalaxy Cup 2026 தென்கிழக்காசியப் பிராந்தியத் தகுதிச் சுற்றில் சாம்பியனாக உருவெடுத்து, இம்மாத இறுதியில் ஜெர்மனியின் கொலோன் நகரில் Gamescom 2026-ஐ ஒட்டி நடைபெறும் உலக இறுதிச் சுற்றுக்குத் தகுதி பெற்றுள்ளது.

நான்கு வீரர்கள் கொண்ட இந்த அணி, PUBG Mobile ஆட்டத்தில் சிறந்த ஆட்டத்தை வெளிப்படுத்தி, வியட்நாம், இந்தோனேசியா, தாய்லாந்து மற்றும் பிலிப்பீன்ஸ் நாடுகளின் சிறந்த அணிகளை வீழ்த்தியது.

உத்தி, தொடர்பாடல் மற்றும் வலுவான குழு ஒத்துழைப்பே வெற்றிக்கு முக்கியக் காரணமாக அமைந்தன. போட்டியில் அனைத்து அணிகளும் அதிகாரப்பூர்வ சாதனமாக சாம்சங் Galaxy S26 Ultra-வைப் பயன்படுத்தின. இச்சாதனத்தில் 39 விழுக்காடு அதிக சக்திவாய்ந்த நரம்பியல் செயலாக்க அலகு (NPU) மற்றும் 19 விழுக்காடு வேகமான மைய செயலாக்க அலகு (CPU) உள்ளன.

தகுதிச் சுற்றில் இரண்டாம் இடம் பிடித்த இந்தோனேசியாவின் Team Vonzy அணியும் உலக இறுதிச் சுற்றில் பங்கேற்கும். இரு அணிகளும் ஐரோப்பா, வட அமெரிக்கா, லத்தீன் அமெரிக்கா, இந்தியா உள்ளிட்ட பிராந்தியங்களின் சாம்பியன்களை எதிர்கொள்ளும்.

Galaxy சாதனங்களின் ஆட்டத் திறனை முன்னிலைப்படுத்தும் உலகளாவிய லீக்காக #PlayGalaxy Cup விளங்குகிறது. இந்த ஆண்டு, PUBG Mobile-உடன் இணைந்து ஆண்டு முழுவதும் நடைபெறும் மின்விளையாட்டு லீக்காக இது விரிவடைந்துள்ளது.

San Gaming என அறியப்படும் Muhammad Nur Ihsan Ismail அணியை வழிநடத்துகிறார். Dep, ICAA மற்றும் Kluq ஆகியோர் அடங்கிய அணியின் நம்பிக்கையும் ஒற்றுமையுமே வெற்றிக்குக் காரணம் என அவர் கூறினார்.

"தவறு செய்தாலும், அடுத்த ஆட்டத்துக்கான உத்தியை வகுத்து முன்னேறுகிறோம். ஜெர்மனி செல்வது நீண்டகாலக் கனவு; நாட்டுக் கொடியை உலக அரங்கில் ஏந்துவது பெருமை," என்றார். (மலாய் மொழியிலிருந்து மொழிபெயர்ப்பு)

கடந்த பிப்ரவரியில், அமெரிக்காவின் சான் பிரான்சிஸ்கோவில் நடந்த PUBG Mobile Open உலகப் போட்டியில் #TeamGalaxy சார்பில் பங்கேற்று அவர் இடம்பெற்ற அணி சாம்பியனானது.

சாம்சங் மலேசியா எலெக்ட்ரானிக்ஸின் Mobile Experience தலைவர் Matthew Ng, இந்த வெற்றி தென்கிழக்காசியாவின் கைபேசி ஆட்டச் சமூகத்தின் வளர்ச்சியைப் பிரதிபலிப்பதாகக் கூறினார்.