எம்பயர் சிட்டி மர்ம ஒலிக்கு நீர் அழுத்தமே காரணம் என ஐயம்

பெட்டாலிங் ஜெயா – இங்குள்ள எம்பயர் சிட்டியின் எம் டவர் குடியிருப்புப் பிரிவிலிருந்து பெண் குரலைப் போன்று கேட்டதாகக் கூறப்படும் மர்ம ஒலி, அக்கட்டிடத்தின் பயன்பாட்டுப் பகுதியில் ஏற்பட்ட நீர் அழுத்தத்தால் ஏற்பட்டிருக்கலாம் என நம்பப்படுகிறது.

பெட்டாலிங் ஜெயா மாவட்ட காவல்துறைத் தலைவர், உதவி ஆணையர் ஷம்சுடின் மாமாட் கூறுகையில், காவல்துறையினர் பாதுகாப்புக் காவலர்களுடன் இணைந்து சம்பவ இடத்தில் சோதனை நடத்தியதாகத் தெரிவித்தார்.

"என் அணியினர் சோதனை நடத்தினர்; அனைத்து தளங்களும் பாதுகாப்புக் காவலர்களால் பரிசோதிக்கப்பட்டன. சந்தேகத்திற்குரிய எதுவும் காணப்படவில்லை," என்று அவர் இன்று வெளியிட்ட அறிக்கையில் கூறினார்.

பாதுகாப்புக் காவலர்களும் அந்த ஒலியைக் கேட்டதாகவும், ஆனால் அது நீர்க் குழாய்களிலிருந்து வந்திருக்கலாம் எனவும் அவர் குறிப்பிட்டார்.

"நீர் அழுத்தம் இந்த விநோத ஒலியை ஏற்படுத்தியிருக்கலாம் என ஐயுறப்படுகிறது," என்றார்.

இதற்கு முன், அக்கட்டிடத்தின் 23ஆவது தளத்தில் உள்ள பயன்பாட்டுப் பகுதியிலிருந்து மர்ம ஒலியும், பெண் குரல் போன்ற ஒலியும் மீண்டும் மீண்டும் கேட்டதாக ஒரு குடியிருப்பாளர் கூறும் காணொளி சமூக ஊடகங்களில் பரவியது.