கொரியா மாஸ்டர்ஸ்: வெய் சோங்-வூயி இக் உட்பட ஐந்து இரட்டையர் அணிகள் இரண்டாம் சுற்றுக்கு

பெட்டாலிங் ஜெயா: தென் கொரியாவின் ஆசானில் நடைபெறும் கொரியா மாஸ்டர்ஸ் இறகுப்பந்து சாம்பியன்ஷிப்பின் 32 சுற்றில் வெற்றி பெற்ற தேசிய ஆடவர் இரட்டையர் மான் வெய் சோங்-சோ வூயி இக், மேலும் நான்கு அணிகளுடன் இரண்டாம் சுற்றுக்கு முன்னேறியுள்ளனர்.

தற்போது உலகத் தரவரிசையில் 169வது இடத்தில் உள்ள இந்த புதிய கூட்டணி, ஜப்பானின் ஹிரோகி மிடோரிகாவா-யூட்டோ நகாஷிசு ஜோடியை 12-21, 21-17, 21-11 என்ற கணக்கில் 45 நிமிடங்களில் வீழ்த்தியது.

16 சுற்றில் வியாழக்கிழமை, வெய் சோங்-வூயி இக் சிங்கப்பூரின் ங்கே ஜூ ஜீ-டோனோவன் வில்லார்ட் லீ ஜோடியை எதிர்கொள்வர்.

மற்றொரு புதிய கூட்டணியான டீ கை வுன்-யாப் ராய் கிங், சிங்கப்பூரின் டெர்ரி ஹீ-வெஸ்லி கோ ஜோடியை 18-21, 21-17, 21-16 எனத் 52 நிமிடங்களில் வென்றது. அடுத்து அவர்கள் புரவலர் அணியான ஜின் யொங்-லீ ஜோங் மின்னை சந்திப்பர்.

லோ ஹாங் யீ-ங் எங் சியோங் மற்றும் சோய் சோல் கியூ-கோ வி ஷெம் ஆகிய அணிகளும் முன்னேறின.

ஹாங் யீ-எங் சியோங், நாட்டு வீரர்களான ஆரிஃப் ஜுனைடி-காங் கை சிங்கை 21-16, 13-21, 22-20 என 51 நிமிடங்களில் வென்றனர். கொரிய-மலேசிய கூட்டணியான சோல் கியூ-வி ஷெம், இந்திய ஜோடியை 21-3, 21-10 என 21 நிமிடங்களில் வீழ்த்தியது.

இரண்டாம் சுற்றில் ஹாங் யீ-எங் சியோங் தைவானின் மூன்றாம் நிலை ஹே ஷி வெய்-ஹுவாங் ஜுய் சுவானை எதிர்கொள்வர். சோல் கியூ-வி ஷெம், ஆரோன் சியா-ஆரோன் டாய் அல்லது இந்தியாவின் பார்கவ் ராம் அரிகெலா-விஸ்வ தேஜ் கொப்புரு ஜோடியில் வெல்பவரை சந்திப்பர்.

மகளிர் இரட்டையரில், செங் சு ஹுய்-சோங் ஜியே யூ, வியட்நாம் ஜோடியை 21-16, 20-22, 23-21 என 1 மணி 11 நிமிடங்களில் வென்றனர். ஆனால் வனேசா ங்-டான் சிங் யி, சீனாவின் பாவோ லி ஜிங்-சாவ் சி ஹானிடம் 12-21, 16-21 என 30 நிமிடங்களில் தோற்றனர்.

16 சுற்றில் சு ஹுய்-ஜியே யூ, தைவானின் எட்டாம் நிலை லின் ஷி சுன்-யாங் சு யூன் ஜோடியை எதிர்கொள்வர். – UTUSAN